خلايا إطلاق الكروز و صواريخ الدفاع الجوي البحري-الجزء الأول-عشان نخلص-.

Ras Dahb

ملازم أول

إنضم
30 أكتوبر 2014
المشاركات
1,718
مستوى التفاعل
5,034
النقاط
113
بسم الله الرحمن الرحيم​

الموضوع للفائدة العامة لكن موجه خصوصا لاصحاب نظرية (ركب اي كروز و اضرب يا معلم ده الفريم بتضرب اي حاجه :rolleyes:).
--------------------------------

في البداية خلينا نعرف أن لكل سفينة أبعاد سواء الارتفاع او العرض و ده بيأثر بشكل (أساسي) في الاسلحة التي تحتويها , يعني علي سبيل المثال الكورفيت يختلف عن الفرقاطه يختلف عن المدمرة يختلف عن الطراد يختلف عن حاملات الطائرات سواء في الحجم و الأبعاد و بالتالي في اعداد خلايا الأطلاق العمودية او الجانبية.

ناخد مثال , البحرية البريطانية و المدمرة تايب 26 , كان فيه نقاشات علي النت (المنتديات الأجنبيه بالخصوص) علي سبب اختلاف خلايا الإطلاق في نسختين .. يعني في ملتقي DSEI 2013 ظهرت ب 16 خلية ام كيه -41 , عكس ملتقي يورونافال 2012 واللي ظهرت ب 24 خليه A-70

new+Type+26.jpg


(في الصورة 24 خلية سيلفر 70)

2+more+MK41.jpg


هنا 16 خلية ام كيه -41 بجانب خلايا الدفاع الجوي CAMM

السؤال .. ممكن استبدال خلايا ال CAMM من اجل زيادة اعداد الام-كيه 41 ؟

سطح السفينة مش مشكلة, المشكلة تكمن فيما اسفل السطح .. الارتفاع , امتداد ال CAMM حوالي 3 الي 4 متر بنسخته الاستندار او ال ER عكس الام-كيه 41 اللي بيوصل ضعفه حوالي 8 متر اكبر من السيلفر 70 ب متر كامل.

(هنركز في جزئنا الأول علي السيلفر عشان نخلص من كلام الفريم و هنرجع في الجزء الثاني للأم كيه-41 و مشتقاته).

السيلفر

نظام الإطلاق العمودي الأوروبي سيلفر بيأتي في 3 أحجام و قياسات مختلفة + حجم صغير جدا للسفن الصغيرة

بالترتيب من الأكبر للأصغر
1-A-70
2-A-50
3-A-43
4-A-35

974529987.jpg


الفرق بين كل خليه و ماذا تعني الأرقام؟
الارقام بتشير تقريبا لطول و امتداد كل خليه .. يعني الأيه-70 بيوصل تقريبا ل 7 متر.. الأيه-50 ل 5 متر و 6 .. الأيه 43 الي 4 و 5 متر تقريبا.
كان فيه مشروع خلية A6x لكن تم الغائه.

شركة DCNS بتقول (حسب كلامها) أن خلايا إطلاق السيلفر اخف وزن من الأم كيه-41 و مشتقاته تقريبا أخف ب 30 % , لكن لو نظرنا للأختلاف بين خلايا السيلفر ذات نفسه هنلاقي ان الفرق مثلا بين وزن وحدة (8 خلايا A-43) عبارة عن 8 طن الي وحدة (8 خلايا A-70) و ده طبعا بيأثر علي اي سفينة (طول السيلفر 70 و وزنه لا يسمح بوضعه علي اي سفينة).

السيلفر عموما عنده بصمة اصغر من الام كيه-41 في المساحة علي سطح السفينة .. بياخد ابعاد كالتالي 2.6 متر X
2.3 متر
عكس الأم كيه -41 .. الفرق كبير في عرض الوحدة الواحدة (المكونة ل 8 خلايا) 2.6 متر للسيلفر مقابل 3.17 لل أم كيه-41 و ده بيشرح صورة التايب-26 في اليورو نافال حيث وحدات الأم كيه ملاصقة لبعضها البعض (بالعامية المصرية لازقه يعني :D) راجعو اول صورة هتلاقيهم ملاصقين لبعضهم البعض
290px-VLS_Caio_Duilio.jpg

صورة توضح ابعاد السيلفر .. بالصورة سيلفر ايه-50.

نأتي للمهم
----------

قناة العادم للسيلفر أكبر ب بمرة و نصف من قناة العادم لل MK .. السبب؟ هو لجعل النظام مؤمن بشكل أكبر , لطرد الغاز في ضغط منخفض و ليس عالي مما يسمح بأطلاق اعداد من الصواريخ في وقت واحد حتي لو خرج واحد بشكل غير مقصود.

VLS_MK41_Missile_Launch.gif


------------------

الأن نتكلم عن Canister .. العبوه أو الانبوبة بداخل الخليه التي تحتوي علي الكروز او الصاروخ.

266311377.jpg


هذه الأنبوبة تخص خلية السيلفر 70 (المخصصة للسكالب البحري) .. مدورة مش مررررربعه.

ليه صعب دمج التوماهوك علي السيلفر 70 ؟ شركة DCNS بتقول من الممكن دمجة في بروشور خاص بها .. لكن لو ناقشنا الموضوع بشكل عقلاني هنلاقية محتاج جهد .. قطر التوماهوك حوالي 21 بوصة يعني حتي تضع كروز 21 بوصة داخل انبوبة داخل خلية قطرها 22 بوصه شيء محتاااااااااااااج جهد جسدي و دقه كبيرة و ضغط علي الصاروخ ربما يحدث عملية إطلاق غير سليمة +ضغط عالي يؤدي الي إنفجار , لهذا السبب يوجد إختلاف بين الانبوبة المربعه في خلية الام كي-41 المخصصه للتوماهوك و بين الانبوبة المدورة للسيلفر 70المخصصة للسكالب نافال

Open_VLS_hatches_on_USS_Hue_City_%28CG-66%29.jpg


و بالتالي في نهاية الجزء الأول .. تم معرفة أن لكل كروز خلية إطلاق خاصة به في الأبعاد او حجرات طرد النار الإطلاق في ضغط منخفض الخ .. و بالتالي محاولة تركيب (أي كروز شرقي او غربي) لا يتناسب مع حجرة الإطلاق شيء غير صحيح اولا بسبب قطر الصاروخ و قطرالأنبوبة و قطر الخلية ذات نفسها
ثاني شيء , حجرة طرد نيران إطلاق الصاروخ و التي تتطلب مساحة كافية لطرده في ضغط منخفض



أتمني أكون وفقت في الشرح .. و اكمل الأم كيه -41 في الجزء الثاني.

 
شيء مهم نسيته و حبيت اكتبه هنا و هذكرة مره تانية في الجزء الثاني..

قدرة الفريم المصرية علي استقبال خلايا إطلاق أخري غير السيلفر 70 (ده في حال وافقت فرنسا او وافقت الدولة المصدرة و اللي هيتم رفضة بأي حال من الأحوال سوءا شرقي او غربي) ..خلينا مثلا نذكر الأم كيه 41
الفريم ليها ابعاد معينه سواء طول او عرض او ارتفاع و من غير الممكن (اللعب) في أبعادها لأضافة خلايا إطلاق من نوعية أخري .. هيحصل تشوهات في البدن و يخفي عنها خاصية الشبحية , هيؤدي لإرتفاع خلية الأطلاق و الوحدة عموما عن سطح السفينة في المقدمة بالأضافة لتقلص أعداد الخلايا .. هيكونو وحدتين علي الأكثر كل وحده أربع خلايا علي الأكثر .. مفيش مكان إضافي لوضع الخلايا غير مكان وضع .. هنجر الهيل الإضافي اللي تم أغلاقه .. لكن و بما أن السفينة عليها قيود (حسب العقد المبرم) مش هيتم تزويدها بأي خلايا كروز.

هنا مثلا في MCS الأمريكية .. عندها خلايا ام كيه 41 في مكان الهنجر

Lockheed_Martin_Multi-Mission_Combatant_details_Euronaval_2012_news.jpg


و لو نظرنا للفريم

هنلاحظ ممكن إضافة خلايا إضافية لهنجر الهيل الداخلي, المساحة موجوده سواء علي السطح او الداخل

FREMM.jpg
 
مقدمة الفريم المصرية.
اللي بيقولك لم يتم تلحيمها و bla bla bla .. حتي لو تم تلحيمها ايه الفرق؟ مهو ممكن اعادة تهيئة لحمل خلايا مره أخري.. لكن برضو مفيش خلايا كروز هتتركب fbfb

706166028.jpg
 
عودة
أعلى